Open Dataren inguruko berriak

Albiste, artikulu eta berrien bilatzailea

2020ko Euskadiko Datu Irekien lehiaketen sari banaketa

Argitalpen-data: 

Euskadiko datu irekien eta Elkarlan lehiaketen sarituakUztailaren 12an 2020ko Euskadiko Datu Irekien lehiaketen sariak eman genituen Euskadiko Artxibo Historikoan (Bilbo). Ekitaldian bertan bi lehiaketetan, ideiak eta aplikazioak, saritutako irabazleek aurkeztutako proiektuak azaltzeko aukera izan zuten eta beraien lanetik eta eskarmentutik ikasi ahal izan genuen:

Open Datakoekin batera 2020ko Elkarlan sariak ere banatu genituen, sei urte jarraian balio publiko partekatua sustatzen duen lehiaketa. Sariak banatu aurretik, publiko orokorrari irekitako lan-saio bat egin zen, Euskadiko Gobernu Irekirako Aliantzak (OGPk) 2021-2024 aldirako euskal herritarrekin lankidetzan prestatu duen plan berriaren konpromisoetan parte hartu nahi duten pertsonei zuzendua.

Datu Irekien lehiaketaren irabazleak

Aplikazio lehiaketan, honako hauek izan dira sarituak:

  • Smart Public Tender, Manuel José García Rodríguez-ena: Kontratazio publikoaren arloko web-plataforma bat da, bi datu-iturri (lizitazioak eta enpresak) erlazionatzen dituena eta administrazio publikoei eta enpresa lizitatzaileei laguntzen diena erabakiak hartzen. Datuak prozesatzeko Machine Learning (Adimen artifiziala) delakoa erabiltzen du.
  • AvatarParking, Unai Antero Urruticoechea eta Beatriz Arenal Redondo-rena: Aplikazioa Donostiako aparkalekuetarako laguntzaile gisa pentsatuta dago. Gure kokapenera denbora errealean sartu eta honako hauek adierazten dizkigu: gertuen dagoen aparkalekua, dituen plaza libreen kopurua, haranzko ibilbidean gerta daitezkeen gorabeherak, halakorik balego, eta autoa bertan aparkatuta uztearen kostuaren kalkulua. Aplikazioa mugikorrean modu aktiboan eramateko pentsatuta dago, bai eta informazioa eta komandoak ahotsaren bidez jasotzeko ere; beraz, gidatzean ez du distrakziorik eragiten.

Ideia lehiaketan, honako bi hautagaitza hauek saritu dira:

Euskadi, auzolana