Meteorologia-datuak irekitzeko eta informazioa hedatzeko kanalak (web, mugikorra, etab.) berritzeko kontratazioa
Argitalpen-data:
Eusko Jaurlaritzaren Informatika Elkarteak (EJIE) 2018ko apirilaren 20arte ireki du eskaintzak aurkezteko epea honako kontratu honetan: Meteorologia-datuak zabaltzeko zerbitzuak kontratatzea eta Informazioa hedatzeko kanalak (web, mugikorra, etab.) berritzea.
Proiektuaren helburua honako bi estrategien barruan kokatuta dago:
- Larrialdiei Aurregiteko eta Meteorologiako Zuzendaritzaren estrategia ahalik eta zerbitzu hoberena emateko kanal desberdinen bidez: web, mugikorra, etab.
- Eusko Jaurlaritzaren estrategia datu irekien arloan -Open Data Euskadi-, Herritarrak Hartzeko eta Administrazioa Berritzeko eta Hobetzeko Zuzendaritza buru dela datu publikoak irekitzeko enpresa eta herritarrek erabil ditzaten.
Bi estrategia hauetatik abiatuta, kontratazioaren xede den proiektua martxan jartzea lehentasun bihurtu da:
- Web presentziari dagokionez, bai Larrialdiei Aurregiteko eta Meteorologiako Zuzendaritza -Euskalmeteko webgunearen arduraduna- eta baita Herritarrak Hartzeko eta Administrazioa Berritzeko eta Hobetzeko Zuzendaritza -Eusko Jaurlaritzaren web presentziaren arduraduna-, interesatuta eta derrigortuta daude webgunea berriztera web bertsioan eta mugikorrean ere bai, erabilerraztasuna, diseinua, irisgarritasuna, etab. hobetuz.
- Datu irekiei dagokionez, beharrezkoa da, alde batetik, meteorologia datuak formatu berrerabilgarrietan irekitzen diren modua (open data) hobetzea, eta bestetik, ahalik eta datu gehien irekitzea -gaur egun oraindik publikatuta ez daudenak-.
Kontratazio prozesuaren datarik aipagarrienak honako hauek dira:
- Eskaintzak aurkezteko epearen amaiera: 2018/04/20, arratsaldeko 13etan.
- Zabaltze teknikoa: 2018/05/04, eguerdiko 12etan.
- Zabaltze ekonomikoa: 2018/05/07, eguerdiko 12etan.
- Kontratuaren iraupena edo burutzeko epealdia: 18 hilabete.
- Kontratuaren zenbatekoa BEZarekin: 79.999,15.
Interesatuta dagoen edozein enpresa baldin bazara, animatu lehiaketan parte hartzera!
