Open Dataren inguruko berriak

Albiste, artikulu eta berrien bilatzailea

Euskadi.eus eta Open Data Euskadin pertsona, erakunde eta ekipamenduei buruzko datuen gordailu-sistema bat sortzeko kontratazioa

Argitalpen-data: 

Eusko Jaurlaritzaren Informatika Elkarteak (EJIE) 2018ko martxoaren 23rarte ireki du eskaintzak aurkezteko epea honako kontratu honetan: Euskadi.eus eta Open Data Euskadin Direktorio baten (pertsona, erakunde eta ekipamenduak) datuen gordailu-sistema bat sortzeko zerbitzuak.

Kontratuaren xedea informazio sistema horizontala sortzea da, Direktorioarentzat eredu logiko amankomuna dena eta beste edozein informazio sistemek erabil dezakeena. Datuak Euskadi.eus-en publikatuko dira herritarrentzat zuzenduta eta baita datu irekietan berrerabiltzaileentzat (Open Data Euskadi).

Proiektu honetan honako helburu nagusi hauei erantzuna eman nahi diegu:

  • Eredu logiko amankomuna sortzea -Direktorioa-: pertsona, erakunde eta ekipamenduei buruzko oinarrizko datuak eta informazio orokorra ematen dituena.
  • Datuen jatorri desberdinak identifikatzea, kontuan hartuta nola moldatzen diren zehaztutako eredura eta jatorri desberdinetako datuen arteko erlazioetara.
  • Zehaztutako eredu logikoa inplementatzen duen sistema informatikoa eraikitzea:
    • Beste sistema batzuentzako interfazeak (APIak) sortu.
    • Entitateak atzemateko zerbitzua adierazi (Named Entity Detection/Recognition), beste sistema batzuei beraien datuetan Direktorioaren entitateak detektatzea posible egiten duena.
    • Euskadi.eus-en herritarrentzat informazioa erakusteko tresnak sortu (kargu publikoen bilatzailea; pertsona, erakunde eta ekipamenduen bilatzaile orokorra; jadanik martxan daduen biltzaileak datu irekietara moldatu).
  • Biltegi amankomunean informazioa kargatzeko prozesuak diseinatzea eta eraikitzea.
  • Direktorioaren informazioa publikatzeko informazioa atzemateko tresna sortzea, backend sistema ez daukaten datuentzat edo beste sistema batzuetan kudeatzen ez diren datuak betetzeko.

Kontratazio prozesuaren datarik aipagarrienak honako hauek dira:

  • Eskaintzak aurkezteko epearen amaiera: 2018/03/23, goizeko 11etan.
  • Zabaltze ekonomikoa: 2018/04/12, eguerdiko 12etan.
  • Kontratuaren iraupena edo burutzeko epealdia: 18 hilabete.
  • Kontratuaren zenbatekoa BEZarekin: 65.001,2.

Interesatuta dagoen edozein enpresa baldin bazara, animatu lehiaketan parte hartzera!

Euskadi, auzolana