IPPC jarduerak (Ingurumen Baimen Bateratuak)

Kutsatzeko ahalmen handia izan dezaketen instalazioei aplikatzen zaizkien neurriek osatzen dute kutsaduraren prebentzio eta kontrol bateratua (IPPC). Mekanismo hori kutsadura iturritik bertatik prebenitzean datza eta bere helburua da jarduerek baliabideak modu egokian kudeatzea eta ahalik eta hondakin eta emisio gutxien sortzea, bai atmosferan, bai uretan, bai lurzoruetan.

Ingurumeneko Baimen Bateratua instalazioa kokatzen den Autonomia Erkidegoko eskudun organoak emandako ebazpena da, eta horren bidez, ingurumenaren eta gizakien osasunaren babesari dagozkion ondorioetarako soilik,instalazio bat bere osotasunean edo zati batean erabiltzea baimentzen da, beti ere Kutsaduraren Prebentzio eta Kontrol Bateratuari buruzko (IPPC) Legearen helburua eta xedapenak betetzen direla bermatzeko beharrezko diren neurri batzuen pean.