Aizkorriko estazio megalitikoa

Aizkorriko estazio megalitikoa Oñati eta Urbia eta Altzaniako partzonerien artean dago, Urbiako zelaietan, alegia.

Bederatzi monumentuk osatutako gunea da: bost dolmen (Aizkorritxo, Artzanburu, Mendebaldeko Gorostiaran, Kalparmuñobarrena eta Pagobakoitza), hiru tumulu (Ekialdeko Gorostiara, Malla eta San Adrian) eta menhir bat (Zorrotzarri) daude bertan. Gipuzkoako estazio megalitiko altuena da, ia monumentu guztiak itsas mailatik 1.100 metro baino gehiagora baitaude.

Inguru horretan egindako indusketetan aurkitutako aztarnetako batzuk Paleolitokoak diren arren, gehienak Eneolito garaikoak eta Brontze Arokoak dira.