Pasa den urriaren 25ean, 2022ko Euskadiko datu irekien bi lehiaketetako irabazleen berri emateko ebazpenak argitaratu genituen.

Balantzea positiboa izan da eragindako interesari dagokienez. Bi lehiaketetara zuzenean 18 proiektu aurkeztu dira, enpresen eta pertsona fisikoen hautagaitzetatik.

2018ko eta 2022ko edizioetan bezala, 2022koan ere Eusko Jaurlaritza izan da lehiaketa antolatu duena, baina honako hauen ezinbesteko elkarlanarekin: Arabako, Bizkaiko eta Gipuzkoako foru-aldundiak eta Bilboko, Donostiako eta Gasteizko udalak. Horrek erakusten du nolako borondatea dagoen beren esku formatu berrerabilgarrietan eta erabilera-lizentzia irekiekin dauden datuak irekitzea sustatzeko.

Aplikazioen lehiaketa

Guztira 11 proiektu aurkeztu ziren lehiaketara. Honako hauek saritu dira:

• "enEKO: Asistente inteligente para el ahorro energético", Unai Antero Urruticoechearena: erabiltzaileari energia aurrezten laguntzeko aplikazio bat da. EnEKO laguntzaile birtuala da, eta bere funtzio nagusia energiaren prezio onena ezagutuz energia modu arrazionalagoan erabiltzeko beharrezkoa den informaziorako sarbide erraza eskaintzea da.
• "iApparca: Encuentra el parking con plazas libres más cercano gracias a la Inteligencia Artificial", Ander Fernández Jaureguirena: Donostiako Udalaren datu irekietan oinarritutako web-aplikazio bat da, turistei beren bidaiak planifikatzen laguntzen diena, eta, 14 eguneko aurrerapenarekin, helmugatik gertuen dagoen plaza libreak dituen aparkalekua zein den adierazten duena.

Ideien lehiaketa

Guztira 7 proiektu aurkeztu ziren lehiaketara. Aplikazioen lehiaketan bezala, gure gomendioa da zerrenda osoari begirada bat ematea; izan ere, proiektu oso interesgarriak daude. Honako bi hautagaitza hauek saritu dira:

• "LUR: Un DSS para la planificación estratégica sostenible basado en el valor multifuncional del suelo" (7.4 Mb), Adriana Aguirre, Matilde Marengo eta Iacopo Neri-rena: lurzoruaren erresilientzia neurtzeko gai den ebaluazio-tresna proposatzen du. Datuen analisian oinarritutako ikuspegi baten bidez, taxonomia erantzungarri berri bat sortzen du tresna horrek, lurzoruak modu dinamikoan ematen dituen zerbitzu ekosistemikoen balioa ulertzeko aukera ematen duena.
• "Con OpenData mi alergia ya no es un problema" (PDF, 5.2 Mb), Antonio José Sáez eta Sergio Díaz-ena: polen-maila altuek eragindako gertaerak aurreikusteko tresna bat garatzea proposatzen du polenari alergia dioten euskal herritarreentzat, funtsezko faktoreak kontuan hartuta, hala nola tenperatura, airearen kalitatea eta plubiometria. Gainera, arreta medikoa behar duen gertakariren bat gertatuz gero, gertuen dagoen osasun-zentroa proposatuko luke.

Aurkeztutako hautagaitzak

Bi lehiaketetara aurkeztutako proiektuen maila azpimarratu nahi dugu, eta gonbidatzen zaituztegu aukeztu diren aplikazio eta ideien artean murgiltzera. Aplikazio eta ideia oso interesgarri eta erabilgarriak kontsulta daitezke, eta are gehiago, datu irekietatik nolako produktuak sor daitezkeen eta berrerabiltzaileen artean horiek sortzeko dagoen talentua ezagutu.

Sariak banatzeko ekitaldia

Sariak banatzeko ekitaldia 2022ko azaroaren 18an egitea aurrikusita dago, Elkarlan sarien banaketarekin batera; bertan, zuzenean entzun ahalko ditugu irabazleak, beraiek azalduko baitigute egindako proiektua eta nola burutu duten.