Naturaren erdigunean agertzen zaigu Arantzazuko Santutegia, euskal abangoardiaren erakusle bikaina, non bat egiten duten, besteak beste, Jorge Oteizaren eta Eduardo Chillidaren obrek. Bisitak 45 minutu inguruko iraupena du, eta interpretazio zentroan hasten da, 10 minutuko bideo emanaldi batez. Gero, XX. mendeko basilika bisitatzen da, eta bertan, eraikuntzaren xehetasunak, enklabearen historia eta eskultoreen obrak erakusten dira. Amaitzeko, kriptan, Basterretxearen muralak ikus daitezke eta Luzio Muñozen egur polikromatuzko 600 m2-ko erretaula bat. Inaziotar Bidearen testuinguruan ere (GR-120) eraiki zen Arantzazu, 1522an Loiolatik Manresara joateko Loiolako Ignaziok egindako bidearen geldialdietako bat izan baitzen.